Gentofte – Køge
Í gær fékk gentofte Køge í heimsókn en Køge liggja á botni deildarinnar og mátti þvi búast við því að Gentofte myndi vinna leikinn auðveldlega, sem þær gerðu.
Gentofte áttu ekki erfitt með leikinn þar sem að þær einblíndu á að hugsa um sitt eigið spil. Leikurinn fór 3-0 og hrinurnar 25-8, 25-14 og 25-18.
Næsti leikur Gentofte er á sunnudaginn þar sem að þær fara í heimsókn til Ikast.
Holte – Brøndby
Holte spilaði á heimavelli í dag þar sem að þær fengu Brøndby í heimsókn.
Leikurinn byrjaði jafn og var ekki mikill munur á liðunum, ekki leið þó langt á hrinuna þegar að Holte gáfu í og náðu 15-8 forystu. Gestirnir gáfu þó í og náðu að minka muninn. Brøndby náðu þó aldrei forskoti og lokuðu Holte hrinunni 25-22.
Önnur hrina byrjaði svipuð og sú fyrsta þar sem að liðin voru jöfn en náði Holte síðan að koma sér í 17-11 forystu. Brøndby stigu þó upp og náðu að minka muninn en ekki dugði það til og sigruðu Holte hrinuna 25-20.
Brøndby byrjuðu 3. hrinu vel og voru 4-7 yfir, þjálfari Holte tók þá leikhlé og náðu Holte eftir það að jafna í 7-7. Liðin skiptust á því að skora en um miðja hrinuna settu Holte í 5. gír og unnu hrinuna 25-17 og þar með leikinn 3-0.
Næsti leikur hjá Holte er á laugardaginn þar sem að þær fara í heimsókn til Køge.
Amager-Odense Volleyball
Í dag fór Odense volleyball til Kaupmannahafnar þar sem að þeir spiluðu á móti Amager en þeir liggja í 6 sæti.
Amager byrjuðu leikinn vel og um var að ræða mjög spennandi fyrstu hrinu þar sem að liðin skiptust á því að skora og endaði hrinan á því að fara í upphækkun þar sem að Amager átti möguleikann á því að taka hrinuna en Odense Volleyball hafði betur og stálu hrinunni 26-28
Í annari hrinu var Ævarr Freyr með svakalegar uppgjafir sem að Amager réðu ekki við og sigruðu Odense hrinuna 15-25.
Í þriðju hrinu komu Amager sér aftur á strik og spiluðu vel. Heimamenn komu sér í 8-5 forystu en náðu gestirnir að jafna i stöðunni 15-15. Amager komu sér síðan í 21-19 forystu og kláruðu hrinuna 25-22.
Í fjórðu hrinu héldu heimamenn í Odense Volleyball upp að stöðunni 7-8 fyrir Odense en þá komust Odense í gír og með sterkum sóknum komu þeir sér í stöðuna 12-16 og 16-21 og lokuðu síðan hrinunni 21-25.
Odense Volleyball eru þá í 2. Sæti í deildinni eins og staðan og næsti leikur Odense Volleyball er á laugardaginn en þá taka þeir á móti Gentofte sem liggja á toppi deildarinnar og má búast við spennandi leik þar sem að þetta er topp slagur.
