VK Vestsjælland – Odense Volleyball
Seinustu helgi urðu Odense Volleyball strákarnir Danskir bikarmeistarar. Föstudaginn 9. febrúar fóru Odense Volleyball strákarnir í heimsókn til VK Vestsjælland þar sem að leikurinn fór 2-3 fyrir Odense Volleyball (25-20, 20-25, 25-21, 19-25 og 13-15).
Mikill hiti var á milli leikvalla í leiknum. Odense Volleyball spiluðu alls ekki sinn besta leik en það mátti sjá að leikmenn voru þreyttir andlega og líkamlega eftir langa final-4 helgi. VK Vestsjælland gerðu þó mjög mörg mistök í seinustu tveimur hrinunum sem gerði það að verkum að Odense Volleyball náðu að sigra leikinn.
Stigahæstur í liði Odense Volleyball var Nikolaj Hjorth með 23 stig.
Næsti leikur Odense Volleyball er á heimavelli þann 17. febrúar en þá mætast liðin aftur nema þá koma VK Vestsjælland í heimsókn til Odense.
![](https://qj9342.n3cdn1.secureserver.net/wp-content/uploads/2024/02/422052460_888211139977878_2841612303371595586_n-1024x684.jpeg)
Ikast – Holte
Laugardaginn 10. febrúar lögðu Holte konur snemma af stað þar sem að þær héldu til Ikast.
Fyrstu tvær hrinunar voru nokkuð jafnar en enduðu báðar í höndum Holte. Holte konur komu sterkar inn í 3. hrinu þar sem að þær ætluðu ekki að láta það gerast aftur að fara í fimm hrinur á móti Ikast. Holte áttu ekki í vandræðum með Ikast í þriðju hrinu og sigruðu hana sannfæranndi og þar með leikinn 0-3 (23-25, 22-25, 12-25).
Leikmenn leiksins hjá Holte voru þær Nora og Isabella.
Næsti leikur Holte er laugardaginn 17. febrúar þar sem að þær fara í heimsókn til Aarhus.
![](https://qj9342.n3cdn1.secureserver.net/wp-content/uploads/2024/02/424605288_911799264280283_6613008085927082412_n-1024x819.jpeg)
Gentofte – ASV
Á laugardaginn fengu Gentofte konur ASV í heimsókn.
ASV konur voru í stuði enda tæp vika síðan að þær urðu Danskir bikarmeistarar. Gentofte áttu erfitt með að halda í við ASV þar sem að þær spiluðu vel og enduðu ASV á því að vinna leikinn 0-3 (20-25, 14-25, 23-25).
Leikmaður leiksins var Soffia Bisgaard.
Næsti leikur Gentofte er 20. febrúar en þá fá þær Brøndby í heimsókn.
![](https://qj9342.n3cdn1.secureserver.net/wp-content/uploads/2024/02/427128562_10161171413929850_8078327475685454513_n-1024x683.jpeg)